Ir a la página de inicio Visualizar mapa de cruceiros Cruceiros de A Coruña Cruceiros de Lugo Cruceiros de Ourense Cruceiros de Pontevedra

        Provincia: A Coruña

        Municipio: Teo   Parroquia: Reis (San Cristovo)

        Pontevea

        Coordenadas (WGS84):
        42°45'45.1"N 8°32'44.4"O (42.762528, -8.545656)


Haz clic si quieres ver la zona en maps
También puedes ver el mapa más abajo
Cruceiro del tipo "Crucifijo" (con la imagen de Cristo en el anverso de la Cruz)O cruceiro foi movido da súa localización orixinal / El cruceiro fue movido de su ubicación original / The stone cross was moved from its original location

Cruceiros en Teo
Cruceiros en Teo Cruceiros en Teo Cruceiros en Teo

Cruceiros en Teo



Pablo Sanmartín nos ofrece las siguientes fotos, y el siguiente texto:
Cruceiros en Teo Cruceiros en Teo Cruceiros en Teo
O Cruceiro de Pontevea (Teo)

É un dos que presenta maior valor artístico do Concello de Teo, merecente de maior atención e valorización. A magnífica execución da obra deste santeiro anónimo chegou ós nosos días en bastante bo estado de conservación o que permite reparar nos pequenos pormenores das súas imaxes ou coñecer ó seu doador e a data de construción.

Como sinala a Lei de Patrimonio é un ben de interese cultural, ó ser anterior o ano 1901, e figura catalogado no inventario patrimonial do PXOM (ficha C64). Está situado na zona do “Cruceiro” ó carón da estrada que comunica Pontevea coa Ponte Ulla en Vedra (antiga estrada de Arzúa) e preto do antigo Campo da Feira, hoxe aparcadoiro municipal. No seu día, as obras de ampliación da estrada obrigaron ó seu traslado, mais foi situado moi preto da súa posición orixinal.

Posúe plataforma cuadrangular de tres chanzos, base cadrada cos símbolos das tibias en X, un lagarto, costelas e as caveiras nos cantos en representación do Monte Gólgota onde Xesús foi crucificado. O varal é octogonal con inicio e remate nunha sección cadrada. Non posúe capitel e a cruz ten os brazos ornamentados con pequenas bolas.

No anverso da cruz figura o cristo con 3 cravos, cabeza lixeiramente ladeada á dereita, mans pechadas, coroa de espiñas, cartela e pano cinguido e anoado á esquerda e os pés cruzados un sobre o outro. A virxe orante, no reverso, aparece sobre unha peaña cun anxiño con ás. Ten as mans sobre o peito e destacan os numerosos pregues do seu manto.

Na base, en dous laterais, consta a seguinte inscrición “Este sacro cedyo lo pvso un deboto D(o)n Manvel Agvlla 1789” e no arrinque do varal a palabra “animas”.

Máis de douscentos anos despois, seguimos a lembrar a aquel “devoto” do val do Ulla que sufragou esta obra, toda unha oración de pedra como sinalaba Castelao.


Cruceiro catalogado en el PXOM, ficha C64

Cruceiro incluido en la obra "Cruceiros na provincia da Coruña", de Luis Martín Ruíz (Deputación da Coruña, 1999), con el número 83.10.3, Vol. IV, pág. 2329




Comment Form is loading comments...