Provincia: A Coruña

        Municipio: Santiso   Parroquia: Ribadulla (San Vicenzo)

        Iglesia

        Coordenadas (WGS84):
        42°51'36.3"N 8°05'54.4"O  (42.860089, -8.098439)

Sinxelo cruceiro de 3 gradas, pedestal moldurado, fuste octogonal con remate e inicio con sección cadrada, capitel e cruz con remates florenzados cun anxiño en baixorrelevo no anverso.

Atópase no adro da igrexa nova de San Vicenzo de Ribadulla. O cruceiro foi trasladado dende a súa primitiva situación ó carón da vella igrexa que foi demolida e ficou asulagada polo encoro de Portodemouros.

No pedestal figuran dúas inscricións, unha antiga, "AÑO 1884" e outra que dá conta da obra do traslado e reedificación "11-1-1968". Na base do varal tamén consta outra inscrición que di: "ESTE POR DEVOCION DE..."

O cruceiro de Ribadulla foi, por tanto, un dos poucos bens culturais salvados antes da construción do encoro pola empresa Moncabril S.A. (na actualidade xestionado por Naturgy)