Provincia: Lugo

        Municipio: A Fonsagrada   Parroquia: Santo André de Logares

        Zarro de Pedro. A Cruz da Graña

        Coordenadas (WGS84):
        43°16'49.6"N 7°07'03.5"O (43.280445, -7.117636)

UN CRUCEIRO XIRATORIO: A CRUZ DA GRAÑA. Curioso cruceiro situado na parroquia de Santo André de Logares, no concello de A Fonsagrada. A cruz, sostida sobre unha pequena base debido ao mecanismo que lle permite xirar, presenta no anverso a Xesucristo crucificado, e no reverso, en vez da figura da Virxe María como adoita acontecer na meirande parte dos cruceiros galegos, vese a imaxe de Santa Bárbara, con coroa e cáliz, símbolo do martirio, na súa man esquerda, unha santa asociada co raio, invocada durante as treboadas. A cruz, ademáis de ser un elemento de protección relixiosa para os arrieiros e para as súas mercadorías, servía para comunicar a situación coa que outros viaxantes se poderían atopar. Cando era Cristo quen miraba cara o camiño, transmitía unha mensaxe de seguridade; mais, se era a Santa Bárbara a que miraba cara o camiño, o arrieiro sabía que podería haber perigo, por exemplo a presenza de salteadores de camiños