Cruceiro
de pedra de gran e mide catro metros de altura, base
incluída.
Consta de plataforma de cinco chanzos ou graos de cantería,
agochados os inferiores tras o altar de pedra que leva por
diante; de pesdestal ou zócalo, cunha lenda na parte
anterior
que di:
" TRASLA(da)DO Y RE-/ EDIFICADO P(o)R EL/LIC(encia)DO JOSE
R(odrígu)EZ./ EIRAS CVRA DE/LOS CASTILLONES" e a data "ANO
1877"; de fuste ou varal, esvelto, cadrado e en chafrán as
esquinas, cunha imaxe de María Madalena na parte alta
sostendo
un cáliz e outra de Xoán Bautista, na baixa
apreixando un
año; de capitel que semella unha pirámide
truncada e
invertida; e, como remate, a cruz propiamente dita, toda ela de
festón refundido, co Crucificado no anverso e a Dolorosa no
reverso. Por debaixo do INRI escóndese outra data 1610.
É
moi probable que o cruceiro ao ser trasladado do lugar que antes
se atopaba, na Ermida, se lle engadise feito de novo, o
zócalo. Do conxunto escultórico cabe dicir que
é
unha obra na que o canteiro ou artista logrou plasmar algo ou moito
dese sentimento doloroso tráxico que xace no transfondo da
relixiosidade popular galega. |