Provincia: Ourense

        Municipio: Maceda   Parroquia: Tioira (Santa María)

        Tioira

        Coordenadas (WGS84):
        42°15'43.6"N 7°36'54.6"O  (42.262100, -7.615179)

A plataforma é unha bancada piramidal de catro niveis, que presenta no seu último chanzo o mestre canteiro escultor e datación da obra: ARQUITECTO ESTEBAN GÓMEZ. ANO 1769

Baixo os motivos está gravada unha dedicatoria expresada en dúas liñas, mostrando na primeira a “DEVOCIÓN DE JUAN BERMUDEZ I SU MUGER ROSA DE OTERO”, detalle que refire o dedicante que o custeou, un matrimonio que se salvou de afogarse no s. XVIII, pero segundo o Catastro de Ensenada de 1752, que lista os veciños da parroquia de Tioira, nel non figuran tales nomes. Arquitecto, título que engadía ao seu nome, seica en calidade de autor en Maceda con dous cruceiros: o de Tioira, datado en 1769, e tamén se lle atribúe o da poboación ao mostrar trazos de deseño moi similares ó anterior e datarse a súa presenza en 1790 realizando diversas obras na igrexa parroquial de San Pedro de Maceda, entre elas a súa espadana (posiblemente faría tamén o cruceiro).

Case copia do de Tioira é o de Maceda, que fundamentalmente só diferencia a grafía dos símbolos e obxectos, máis parca no segundo.