Provincia: Pontevedra

        Municipio: Moaña   Parroquia: Moaña (San Martiño)

        San Martiño. Cruceiro da Soidade ou de San Martiño

        Coordenadas (WGS84):
        42°17'05.9"N 8°44'57.1"O (42.28496, -8.74919)

También puedes ver el mapa más abajo

O cruceiro da Soidade, situado actualmente a carón do cruzamento de camiños que linda co adro baixo, está relacionado coa antiga confraría da Virxe da Soidade, cuxas ordenanzas e constitucións foron aprobadas no ano 1672. Esta irmandade relixiosa era a encargada de organizar o Desencravo de cada Venres Santo e a posterior procesión do Santo Enterro, que aínda perduran.

Malia que os desfiles procesionais facíanse, normalmente, arredor da igrexa, os máis importantes, como o citado anteriormente, o de Corpus e poucos máis, baixaban a un cruce de camiños onde, posiblemente no século XVII, ergueron un cruceiro coa seguinte inscrición nos brazos da cruz:



Segundo constata o mestre, Jaime Iglesias González, nun caderno do ano 1981 que se conserva no museo de Pontevedra, ref. XXXV, titulado “Cruceiros do concello de Moaña”, feito en colaboración cos alumnos da Escola Graduada de Quintela, ten as seguintes características:

É unha enorme cruz de pedra toda ela, con capitel e sen escalas. A base é cúbica de aristas chaflanadas, asentándose sobre un penedo  “nacido”. A columna é de fuste octogonal  liso, capitel dórico sinxelo  e cruz de sesión cadrada lisa.